天氣一凍，每朝起身就變成一件痛苦嘅事🥶
唔想離開暖笠笠嘅被窩，個腦仲成日想瞓想瞓咁，影響埋工作表現...
以下就教大家幾個拉伸動作，等您全日都精神滿滿🈵
蝴蝶式🦋
以坐姿開始，肩膀下沉、彎曲雙腿，兩腳腳底併攏，維持動作2-3分鐘🧘🏻♀️
亦可以用手壓喺小腿上，增加大腿內側拉伸感
有效改善坐骨神經痛，仲有助增加血液循環去水腫
快樂兒童式👶🏻
喺瑜珈墊或床上向上躺，然後屈曲雙腳，雙手抓住腳掌
保持動作2-3分鐘，有助於拉伸大腿、腰部、背部同胯部肌肉🦵🏻
青蛙趴🐸
身體趴下，將腿內側貼住地面，再將膝蓋慢慢向兩邊打開
建議每一次維持30秒，慢慢依自己能力增加至5分鐘💁🏻♀️
唔講唔知，原來以上動作仲可以提升卵巢附近嘅血液循環
有效保養子宮，減輕月經期間不適感👼🏻
快啲一齊做拉伸，每日朝早叉滿電啦⚡️